Chi l’ha averta, stamatìn, a pòrta che a dà in sciô mâ ?
O sô ilumina a miâgia giànca
e a stànsia
dónde ancón ti dormi,
mæ amô.
Quéll’ ægoa a l’é inprevedìbile, ti-o sé,
ancheu a l’è tranquìlla:
gödila con pasción.
Domàn chisà.
E poi, ‘na pòrta a-no poé mai
rexìste a-e ónde.
cómme a nostra vìtta, do rèsto.
O sô o l’è câdo e i so raggi fan piâxéi,
ma o se mescia,
o no l’é tranquìllo mai e, fìto,
ti-o vedié tórna bolâse
e tórna ascóndise!
| |
Chi ha aperto la porta che dà sul mare, stamattina?
Il sole illumina la parete bianca
e la stanza dove dormi, amore mio.
Quell’acqua è imprevedibile, lo sai,
oggi è tranquilla: godila con passione.
Domani chissà.
E poi, una porta non potrebbe
mai resistere alle onde.
Come la nostra vita, del resto.
Il sole è caldo e i suoi raggi fanno piacere,
ma lui si muove,
non è mai tranquillo e, presto,
lo vedrai rituffarsi
e nascondersi ancora
|